ஸ்ரீ சித்தானந்த சுவாமிகளைப் பற்றி மகாகவி பாரதி

ஸ்ரீ சித்தானந்த சுவாமிகளைப் பற்றி

மகாகவி பாரதி எழுதிய பாடல்

மகாகவி பாரதியார் புதுவையில்-குயில் தோப்பில் பாடல்

இயற்றிய பொழுது-அங்குள்ள சித்தர் மகான் ஸ்ரீ சித்தானந்த சுவாமி மேல்

ஒரு பாடல் இயற்றியுள்ளார்;-

மகாகவி பாரதியார், ஸ்ரீ சித்தானந்த சுவாமிகள் பற்றி சிறப்பாக

பாடியுள்ள பாடல் இதோ ;

சித்தானந்தசாமி திருக்கோயில் வாயிலில்

தீபவொளியுண்டாம்; பெண்ணே

முத்தாந்த வீதி முழுதையுங் காட்டிட

மூண்ட திருச்சுடராம் ;பெண்ணே

உள்ளத்தழுக்கும் உடலிற் குறைகளும்

ஓட்டவருஞ் சுடராம்; பெண்ணே

கள்ளத் தனங்கள் அனைத்தும் வெளிப்பட

காட்டவருஞ் சுடராம் ; பெண்ணே

தோன்று முயிர்கள் அனைத்தும் நன்றென்பது

தோற்ற முறுஞ் சுடராம்; பெண்ணே

மூன்று வகைப்படும் கால நன்றென்பதை

முன்னரிடுஞ் சுடராம்; பெண்ணே

பட்டினந்தன்னிலும் பார்க்க நன்றென்பதைப்

பார்க்க வொளிசுடராம்; பெண்ணே

கட்டு மனையிலுங் கோயில் நன்றென்பதைக்

காணவொளிர் சுடராம்; பெண்ணே  .